2 x 1 en CINES DÚPLEX, para socios/as do carné da Casa da Xuventude

A Concellería de Xuventude informa dunha nova vantaxe do carné da Casa da Xuventude para os seus usuarios e usuarias froito do acordo ao que chegou a Concellería cos Cines Dúplex. Trátase, tal e como explicou a edil, da ampliación da promoción 2x1 a todos aqueles que teñan dito carné, que pagarán unha soa entrada (2,25 euros cada un). Isto só será válido de mércores a domingo, toda vez que o luns os cines están pechados e os martes é o día do espectador. Estes descontos únense aos que xa fan os Dúplex aos menores de 30 anos e a estudantes.

Tal e como explicou Beatriz Sestayo, aqueles que non sexan estudantes e os que teñan entre 30 y 35 anos entrarán nesta promoción sempre que teñan o carné xove. Este é totalmente gratuíto e se pode solicitar na Casa da Xuventude, adxuntando unha fotografía tipo carné e cubrindo os datos persoais. Os técnicos de Xuventude outogaránlle ao solicitante un número de socio quedando rexistrado na base de datos.

O carné xove está dirixido aos mozos e mozas de entre 14 e 35 anos e no caso dos menores de idade é preciso que teñan o consentemento por escrito dos seus pais, nais ou titores legais. A tarxeta ten como obxectivo mellorar o funcionamento destas instalacións municipais, permitindo a creación dun censo de usuarios e extremando o control sobre o uso dos seus recursos. Así mesmo, pretende premiar aos socios e socias da Casa da Xuventude con vantaxes como a que agora se pon en marcha.

OBRADOIROS DE OUTONO 2009

A concelleira de Xuventude, Beatriz Sestayo, deu conta da nova edición da programación dos Obradoiros de Outono que se desenvolverán durante os meses de novembro e decembro nas instalacións da Casa da Xuventude, dando así continuidade á aposta que o Goberno municipal está a facer pola oferta de actividades educativas e de ocio alternativo destinadas á xuventude da cidade desde a inauguración destas dependencias municipais. Este novo calendario, que arrancará o 9 de novembro, está dirixido a mozos e mozas de entre 13 e 35 anos e se levará a cabo de luns a venres de 18.00 a 21.00 horas, coordinados e supervisados por técnicos da Concellería de Xuventude.

A responsable das políticas de xuventude do Concello avanzou que nesta nova edición ofertaranse un total de dez obradoiros, dos que son novidade as clases de francés e a edición de son dixital e Dj -o resto xa se teñen celebrado en edicións anteriores acadando un alto índice de participación-. A oferta presentada para os vindeiros meses do ano é a seguinte:



Edición de son dixital e Dj
Ximnasia de mantenemento, aeróbic, step,...
Baile moderno
Foto dixital
Creación audiovisual
Pintura e debuxo
Guitarra
Informática
Danza do ventre
Inglés/francés